برنامج التطوع بمعرض القاهرة الدولى للكتاب لعام 2025 Cairo Book Fair Volunteer
335 أيام متبقية للتقديم
الوصف
هل انت متحمس للتطوع في معرض القاهرة الدولي للكتاب وتريد اكتساب خبرات جديدة؟ سجل الآن لتكون جزءًا من أكبر حدث في مصر في نسخته الـ ٥٦ !
“إن الغد مشرق، وإن الغد لكم وبكم ومنكم وأنتم الأقدر على معالجة ما تألمُه هذا الوطن.. صناعة المستقبل بكم وبقوتكم.. وبقوتكم ستبقى مصر عزيزة أبية.. وبقوة شبابها ستحيا مصر”.. الرئيس عبد الفتاح السيسي
تحت رعاية وزارة الشباب والرياضة ووزارة الثقافة المصرية، بنعلن بفخر عن فتح باب التطوع في الدورة السادسة والخمسين لمعرض القاهرة الدولي للكتاب.
فرصة عظيمة لكل شاب مصري طموح عايز يبقى جزء من الحدث الثقافي الأهم في الشرق الأوسط وأفريقيا.. يلا خليك جزء من الصورة اللي العالم كله بيتكلم عنها!
ليه تتطوع معانا؟
لأنك بطل مصري حقيقي!
- تطوعك مش مجرد مساعدة.. ده رسالة قوة، شرف، وانتماء.
- معرض القاهرة الدولي للكتاب مش مجرد فعالية.. ده حدث عالمي بيحط مصر على خريطة الثقافة والإبداع بقاله 54 سنة!
التطوع = مفتاح لباب المستقبل
- لسه متخرج وعايز خبرة؟ التطوع يديلك خبرة حقيقية الشركات بتدور عليها.
- بتحلم بمنحة أو وظيفة برة؟ العمل التطوعي بيقوي سيرتك الذاتية وبيفتحلك أبواب الفرص.
- عايز تكون نسخة أقوى من نفسك؟ التطوع بيعلمك القيادة، النظام، وحب العطاء.
هتستفيد إيه؟
- تجربة ما تتنسيش: تبقى جزء من أكبر حدث ثقافي في مصر وأفريقيا.
- خبرة عظيمة: حاجة تضيفها لـ CV بتاعك وتخليك مميز.
- شبكة علاقات جديدة: هتتعرف على شباب زيك طموحين، وكمان تفتح أبواب لفرص كتير.
- خبرة عملية: هتتعامل مع مواقف حقيقية تخليك جاهز لأي تحدي.
إزاي تكون جزء من الحدث؟
- المعرض هيبدأ يوم 23 يناير ولغاية 5 فبراير.
- هتقسم مع زملائك على مجموعتين، كل مجموعة شغالة 7 أيام بالتناوب.
- التفرغ الكامل طوال المدة جزء أساسي.
- هيتم غلق باب التقديم يوم 26 ديسمبر.
- يكون عمرك بين 16 و 25 سنة.
اللجان اللي ممكن تختار منها:
- لجنة التنظيم والمعلومات:
- دورك فيها يكون إرشاد الجمهور، تنظيم حركة الدخول والخروج، ومتابعة تطبيق القواعد والاجراءات.
- لجنة التوثيق الإعلامي:
- مسؤوليتك التصوير الفوتوغرافي والفيديو، المونتاج، أو التصميم.. بس لازم يكون معاك كاميرا أو لابتوب.
شروط المشاركة:
- العمر من 16 لـ 25 سنة.
- التفرغ الكامل خلال فترة التطوع.
– التسجيل هيكون عن طريق استمارة هنبلغك بعدها بميعاد ومكان المقابلة الشخصية.
تتحمل الجهة المنظمة الإنتقالات والوجبات والزي الرسمي، ولا يوجد اي اجور
مستني إيه؟ دي فرصتك تكتب اسمك ضمن أبطال معرض القاهرة الدولي للكتاب.
انزل شارك، اتطوع، وكون جزء من نجاح مصر!
التفاصيل على الصفحة الرسمية للبرنامج.. تابعنا، واستعد لأنك هتكون نجم من نجوم المستقبل!
