فرصة للتطوع في شباب يدير شباب بجميع المحافظات متطوعي وزارة الشباب والرياضة لعام 2024 Youth leading youth YLY Volunteer

مين هما YLY دول وبيعملوا إيه؟ تعالى في البوست ده هنعرفك أكتر عننا؛ وهنقولك أزاي تقدم كمان لو حابب. أحنا مشروع متطوعي وزارة الشباب والرياضة YLY Youth leading youth أو شباب يُدير شباب. البداية كانت أول ما تولى الدكتور "أشرف صبحي" وزارة الشباب والرياضة سنة 2018 واللي أنتشرنا بعدها في كل محافظات مصر ودي السنة السادسة لينا لو حابب تبقى جزء من عيلتنا كمل البوست للآخر عشان تعرف عننا أكتر. أحنا بنظم ايڤنتات وفعاليات كبرى تحت رعاية رئاسة الجمهورية ومجلس الوزارء ووزارة الشباب والرياضة وبندرب الشباب على جو محاكي لسوق العمل وفي شهادات هتاخدها هتفيديك في الCV ومعسكرات هتتعرف على ناس من كل محافظات مصر. تعالى أعرفك على ال٤ لجان اللي عندنا عشان لو لسه محتار تقدم في انهي لجنة؛ أول لجنة معانا وهي الHR ودول مسئولين عن متابعتك ومتابعة تاسكاتك والتقييم والانترڤيوز. تاني لجنة معانا وهي الOR ودول مسئولين عن التنظيم في كل الايڤانتات من اول الديكور وتنظيم الحضور والاشخاص الVIP لحد ما الايڤنت يخلص. تالت لجنة معانا وهي الPR ودول بقى لو بتحب تعمل ديلز وتكلم مشاهير وكده فده مكانك وبيتفقوا مع السبونسرز وأماكن الايفنتات. آخر لجنة معانا وهي الSM ودول بقى المسئولين عن البيدچ من أفكار وتصميمات وكونتنت وفيديوز ومونتاج وماركتينج وكل حاجة زي الشركات بالظبط. وطبعًا مش لازم تكون بتعرف تعمل كل الحاجات دي عشان تقدم في آي لجنة أحنا كده كده هنعلمك آي حاجة ممكن تحتاجها. هنستناك في الانترڤيو بقى.