⁉️ بتسأل نفسك هو انا ليه بترفض في التقديم للتدريبات أو الوظائف اللي بقدم عليها ؟!
دا محدش بيرد عليا حتي؟
وهل التقديم اونلاين دا له لازمة وهل فعلا في ناس بتتقبل ولو فيه واعرف ازاي اني اتقبلت اصلا..
طب المشكلة في اني بقدم غلط ولا المشكلة في الcv ولا المشكلة فين؟
فتعالي اجاوبك علي كل الاسئلة دي
السلام عليكم ورحمة الله وبركاته اهلا بيكم مرة تانية … معاكم شريف حربي … ودا ايجينكس توكس بودكاست
اولا مفيش حد فينا بيحب الرفض سواء انك تترفض في حاجة معينة او فكرة انك ممكن تترفض طب ليه اقدم وانا فالغالب هترفض!
معظم الناس بتتعامل مع أي شكل من أشكال الرفض، سواء في العمل أو العلاقات الاجتماعية أو العاطفية، على أنه صدمة ، بتحسسك بالألم
بس خلي بالك أن دا مش هيغير ان الرفض دي تجربة أساسية .. ممكن كلنا نمر بيها
وممكن يكون شكله سلبي ومحبط
ولكن دي حكمة ربنا سبحانه وتعالي انها تحمسك وتخليك مستعد لتحدي اكبر وتغير وتقدم بعد ماتمر بيها علشان تتطور مع كل رفض
فكر فيها كدة انا اترفضت في التقديم مع ان الCV كويس (وبين قوسين كدة هو كويس بالنسبة لمين ليك ولا الHR وهنتكم اكتر عن الموضوع دا في حلقة دسمة عن الCV) او اترفضت في انترفيو مع انك حاسس نفسك مناسب وعندك المهارات وكمان اديت كويس في الانترفيو المقابلة الشخصية
فخلي بالك الرفض دا حاجة اجتماعية اثرها بينبع ان المجتمع شاف فشلت او لم تنجز شئ ما في وقت معين مثلا
مع ان دا لا يقلل منك فهعرفك علي مصطلح اسمه Social Rejection أو الرفض الاجتماعي تقدر تبحث عنه لان اهم حاجة في المعادلة علشان تكمل صحتك النفسية
وعلفكرة المصطلح دا بيلغي حاجة مهمة وهي تقدير ربنا ليك دا مش مقدر ليك دلوقتي او مش مقدر ليك الطريق دا فاطمئان ما عليك سوي الاجتهاد وانك تاخد بالاسباب … فيلا بينا نحل
فكدة مقتنعين ان الرفض شعوره مش مريح ولكنه جزء من الحياة فلو استخدمته في صالحك ممكن تغير كل حاجة واي حاجة
فانصحك تعدي وتجتاز الصدمة بتاعت الرفض وهقولك علي كام حاجة تساعدك (وخلي بالك النصائح دي في التعامل مع الرفض بشكل عام بس هنسقطها في حالة انك بتقدم لفرصة او بتحضر انترفيو)
- اولا لازم تتقبل الرفض ودا عن تجربة مش سهل ونفسك بتستصعبه
ولكنه مهم وملحوظة دا مش معناه انك تحبط وتستسلم وتقول مانا بترفض من كله فمقدمش خالص
لا دا المفروض يوجهك انك تعيد النظر وتفكر ايه ممكن يكون السبب
- تاني حاجة استثمر في نقاط قوتك .. فالمفروض بعد كل تقديم او كل انترفيو تحاول تعرف ايه كان مميزك .. في حالة التقديم بتشوف انت قوي فايه فبيكون سهل انك تعديه مثال انا معنديش مشكلة في خانة التعليم والكورسات بس التقصير في خانة الخبرة وهكذا
فلازم تحاول تميز نفسك وتوضح التعليم والكورسات وفي نفس الوقت تركز علي انك تاخد خبرة وقلتلك ازاي تاخد خبرة في الحلقة اللي فاتت
ودا بيتمثل بشكل اوضح في الانترفيو لازم لما تطلع من اي انترفيو تطلب feedback او تقييم اداءك كان عامل ايه عرفت توصل خبراتك ومهاراتك بشكل صحيح ولا اثرت طريقة علي حاجة تانية او بينت حاجة تاني وهكذا
- وبعد كدة لازم تتعلم بقي من الرفض دا ومتكرروش
الرفض دا تجربة ومفتاح التعلم من كل تجربة لتحويلها لنقطة نمو
عاوزك تتخيل ان كل مرة تترفض فيها معناه ان شئ احسن هيجيلك دا بيفتحلك فرص اكبر انك تقدم علي حاجات مختلفة وتجرب انترفيوهات اكتر فدا شئ اساسي انه يديلك دفعة تكمل
- واخر حاجة انك تستمر وتركز علي هدفك لازم توصل للفرص اللي عاوزها فالأول هيكون صعب شوية انك تعدي مرحلة التقديم ولكن بعد كدة مع التجربة هتوصل وهيكون عندك دافع انك توصل لمرحلة الانترفيو
فكل لما تقفد قدام حيطة سد مثلا قدمت وجالك رد انك مش مناسب وهيكملوا ومع بقيت المرشحين وهيختروا منهم (انك اتفلترت مثلا) ودا لعدة اسباب هنتكلم عليها بردو ولكن الموقف دا المفروض يشجعك تدور علي فرص اكتر وتناسبك اكتر ودا ممكن يخليك توصل لفرصة اعلي في وقت اقل دا كله مع الاستمرارية متخيل
انا عارف قد ايه دي رحلة بتكون فيها وحيد وفي الغالب مش بتلاقي ولا فيدباك ولا رد مجرد صمت .. بتحس ان مفيش امل انت لسا متخرج ومحتاج دخل دلوقتي وعليك مسؤوليات كتيرة وكبيرة وعلشان متخدش الموضوع علي صدرك ومتدخلش دوامة جلد الذات اللي غيرك دخلها كتير واتكلمنا عنها في الحلقة اللي فاتت
اعتبر ان كل فشل تجربة تقديم او انترفيو دا تمرين للتجربة اللي بعدها دا هيقلل من حدة الإحباط
طيب تعالي نتكلم عن اول خطوة واللي بتهم ناس كتير وهي التقديم ومن بعدها بعد مابتتقبل بيكون عندك حافز ذاتي انك خلاص هتذاكر اكتر وتجهز افضل علشان تعدي الانترفيو وهكذا ولكن اوعي اوعي تقع في فخ الناس اللي بتخاف تروح الانترفيو لان دا شائع جدا وهنتكلم عليه في حلقة في المستقبل إن شاء الله
بالنسبة للتقديم فالحقيقة مقدرش اقول سبب معين لأنه بيختلف من شخص لشخص ولكن دي حاجات بتخليك تترفض في التقديم للتدريبات:
1️⃣ بتقدم بطريقة غلط:
– بتقدم علي تدريب في محافظة غير محافظتك (اكيد مش هتتقبل) دا كمان لو بتكتتب.
– بتبعت الbody او المحتوي بتاع الايميل فاضي مفهوش غير ال cv بدون CoverLetter أو بتنسي الSubject العنوان بتاع الايميل
مش بتكتب اسمك علي الملف بتكتبه cv بس أو Resume فيفضل تكتب اسمك وجنبها سي في او ريسوميه
– بيبقي ناقصك ورق مش بتبعته وانت بتقدم علي تدريب مثلا زي القيد أو بيان الدرجات أو الكارينة أو صورة البطاقة وغيرها.
ولو بتقدم علي وظيفة بتنسي تبعت الشهادة التخرج او الإفادة وكمان بتنسي أو بتنسي شهادة الخدمة او بتنسي شهادة الجيش
وحاجة مهمة جدا والكل بيتجاهلها وهي الCoverLetter دي بيبقي خطاب للتقديم زي غلاف للcv بتاعك من الورقة دي بتخلي الHR اما يبص علي الcv بتاعك او يتجاهله وهنتكلم ازاي تكتبها وتخصصها وتخليها tailored مناسبة للحاجة اللي بتقدم عليها.
2⃣ الCV مش مكتوب كويس:
– كاتب فيه حاجة غير مناسبة للتدريب اللي بتقدم عليه مثلا بتقدم تدريب محاسبة وانت عندك كورسات في موارد بشرية أو تسويق فكده انت معندكش ما يؤهلك انك تحضر تدريب في المحاسبة فهيخدوا حد تاني مناسب اكتر.
– كاتب عنوان بعيد عن مكان التدريب فأكيد مش هتبقي انسب شخص للحصول علي الفرصة دي بسبب أن ممكن تتأخر أو تغيب.
3- التقديم نفسه: وانت بتقدم سواء علي فورم او علي موقع الشركة نفسها او علي مواقع التوظيف زي منصتنا وموقع وظف وفرصنا وبيت وغيرهم كتير
لازم تجاوب علي كل الاسئلة وتجاوب عنها بضمير وبشكل دقيق تفهم السؤال بيحاول يعرف ايه عنك وتقدمهوله وبتستعين بالوصف الوظيفي Job Description سواء للتدريب او الوظيفة
في مواقع زي وظف مثلا بيبقي في خيار انك تعرف نفسك دا لازم تبقي كاتب تعريف عن نفسك وتكون مناسبة مش قصيرة مش مجرد تقول اسمك وسنك ومحافظتك ووكليتك وجامعتك ومجالك لا ممكن تتكلم بإيجاز عن خبراتهم مهاراتك كورسات بس الحاجات المهمة اللي خدتها
متتكلمش بسرعة خد نفسك وكلامك يبقي علي شكل جمل وطبعا لو كاتب ومجهز المقدمة قبل كدة هيسهل عليك كتير
متكلمش بطريقة مملة او بطريقة عادية جدا خليك مهذب في كلامك تتكلم بشكل مهني وتتكلم وانت مبتسم وبثقة وصدق واوعي تبان انك بتقرا الكلام من ورقة
علي عكس اعتقاد الناس متستخدمش مصطلحات او اختصارات دقيقة اوي فمجالك وبكدة يعني بتوري الHR انك فاهم في مجالك وكدة .. لان للمعلومة الHR ممكن جدا ميكنش عارف بتتكلم عن ايه وممكن ياخد عنك انطباع
ابعد عن الكليشيهات زي ذكر مهارات التواصل communication skills او الproblem solving بشكل مباشر حاول تجيبها في موقف لما تتسأل سؤال معين
متبالغش في تسويق مهاراتك ومتقللش منها
دا او دا هيضرك حاول تكون صادق لان انت ممكن تكون شايف ان خبرة او مؤهل عندك مهم جدا والhr اللي قدامك ممكن ميقدرش اهمية الحاجة اللي بتتكلم عليها فالاول ومتكررش كلامك او مصطلحات او مهارات بهدف انك تأكد عليها لا دا غلط
- ولازم تكون عارف عن الشركة ومجالها والصناعة اللي فيها وهنا لازم اذكر منصتنا egyincs.com لاننا بنهتم جدا لما بنضيف شركة علي المنصة عندنا بنحدث الهوية بتاعتها من صورة ولوجو وبنكتب المعلومات والنبذة من موقع الشركة نفسه وكمان بندورلكم علي حاجات ممكن تخدوا وقت طويل تبحثها عنها زي الموقع الرسمي العربي او المصري للشركات الانترناشونال وكمان حجم الشركة وتاريخ تأسيسها وغيرها
- فانصحكم بزيارة منصتنا egyincs.com ومن القايمة تختاروا الشركات وتعرفوا اكتر عن المكان اللي حابين تدربوا او تشتغلوا فيه
- من نقاط القوة حسابك علي لينكيدإن ولازم تحط اللينك وتخليه قابل للضغط بحيث يبقي عملي وسهل للHR يفتحه ويلاقي عليه اكتر بكتير من اللي كاتبه في الcv
- وطبعا انك تروح او تفتح ميتج الانترفيو متاخر او تتاخر عن الديدلاين في انك تخلص الاسيسمنت او الاختبار او تبعت المستندات المطلوبة منك دا اكيد هيؤدي لرفضك بدون تفكير
و4 ونيجي بقي للحاجات المستخبية زي ان المنافسة عالية: .. طب دا هيفرق معايا فايه؟
– بسبب أن ناس كتير بتقدم فبيضطروا يخدوا عدد معين وبيتجاهلوا الباقي فلازم الCV بتاعك يكون مناسب للحاجة اللي بتقدم عليها وتكون قريت الوصف الوظيفي (Job Description) للتدريب كويس.
ودلوقتي في عصر الAI حتي الشركات الصغيره بقي عندها خدمة او برنامج سوفتوير بيفلتر وبيرتب الcvs فكتير بيقدم كتير بيتفلتر بيتواصلوا بس مع الTop بالنسبة للوظيفة او التدريب دا مثلا 500 قدموا في فرصة مع ان الاعداد اكبر بكتير في بعض الفرص 490 هيتفلتروا هيتواصلوا مع اعلي 10 يجي الانترفيو 4 منهم ياخدوا 1 فيهم دا المطلوب للفرصة دي
5- الآف الناس علي فرصة محتاجين فيها عدد قليل:
– سبب خارج عنك خالص أن التدريب بيقبل عدد معين فبياخد اعلي كام CV يرشحهم للانترفيو والباقي بيترفض.
ملحوظة: معظم الشركات والبنوك مش بتبعت ايميل رفض لأن زي ماوضحت اعداد كبيرة بتقدم فمش طبيعي أنها تبعت لكل دا رفض.
هيتبعتلك ايميل في حالة انك اتقبلت فقط أو اترشحت للانترفيو أو لتسليم اصل الورق اللي قدمت بيه.
⚠️ وطبعا مش هتكلم عن الناس اللي مش بفتح الايميل بتاعهم كل يوم تتأكد أن مفيش رسائل جديدة جات ولا بردو الناس اللي بتقدم في كام تدريب بنك مشهور ويستني يتقبل!
فزي ماشرحتلكم كدة عملية التوظيف بشكل كامل وبسيط ووضحتلهم الصورة اكتر وخليناها واقعية افضل ما كانت غير واضحة او مشوشة
وهقلكم نصائح وtips اكتر عن التقديم والcv والانترفيو بس لازم تكونوا سمعتم الحلقات اللي فاتت لاننا بنبني وعيك عن حاجات مجهولة كتير في التوظيف
اكتبلونا رأيكم في الحلقة ولو محتاجين نتكلم معين في الحلقة الجاية عرفونا
وبس كدة
شكرا لاستماعكم واتمني تكونوا استفادتكم
