“يوم التدريب” اتعمل عشان الطلبة و حديثي التخرج اللي عايزين يقدموا على تدريبات ومش عارفين ازاي.. في اليوم ده هيبقى عندكوا الفرصة انكوا تتواصلوا مع الشركات المشاركة معانا وتكتشفوا ايه التدريبات اللي موجودة دلوقتي في سوق العمل وتقدموا عليها!
تفاصيل ايفيننت مجاني “يوم التدريب” للطلاب وحديثي التخرج للحصول علي فرص تدريب مجانية Internship Day | The Excellence
كتير مننا بيكون تايه ومش عارف لسه هو عايز ايه أو بيبقي شاطر في مجال معين بس مش عارف إزاي يستغل قدراته…
ومش لازم تكون مش عارف انت عايز ايه أو مش عارف انت شاطر في ايه، وممكن تبقي مش عارف ايه المكان اللي يوجه مهاراتك دي صح وايه الشركات المناسبة ليك واللي هتساعد إنك تبقي احسن
“يوم التدريب” اتعمل عشان الطلبة و حديثي التخرج اللي عايزين يقدموا على تدريبات ومش عارفين ازاي.. في اليوم ده هيبقى عندكوا الفرصة انكوا تتواصلوا مع الشركات المشاركة معانا وتعرفوا معلومات اكتر عنهم وتكتشفوا ايه التدريبات اللي موجودة دلوقتي وتعرفوا ايه البرامج اللي بيقدموها، كمان هتعرفوا اكتر عن سوق العمل والوظائف الكتير اللي موجودة فيه وايه الشغل المناسب ليكوا..
ليه تحضر؟
- هتتعرف على فرص التدريب في تخصصك
- هتقدم على تدريبات في شركات مختلفة
- هتقابل ممثلي شركات وتعرف اكتر عن الشركة
- هتسمع من مدربين متخصصين نصائح عن الCV والInterview
هنعمل ايه خلال الإيفنت؟
- هيكون في اكتر من Speech اللي من خلالها الSpeakers هيبدأوا يتكلموا معاك عن شركاتهم والmarket وإزاي تختار الcareer المناسب ليك ولشخصيتك علشان تعرف تبقي ناجح فيه بسهولة.
- وكمان هيكون فيه panel discussions هتناقش مواضيع جديدة ومهمة في الmarket.
- هيكون في Career Circles من خلالها هنراجع الcv بتاعك ونقولك ازاي تجهز نفسك لأي interview لما تيجي تقدم في أي شركة.
- هيكون فيه برضوا Booths هتقابل فيهم ناس من جوا الشركات هيكلموك اكتر عن الشركة بتاعتهم وازاي تقدم معاهم وايه هي الenvironment بتاعهم وليه تقدم معاهم
- ده غير الMentorship اللي من خلالها هيبقى عندك الفرصة إنك تقعد مع مرشد هيديلك نصائح ويجاوب على كل الأسئلة اللي انت محتار فيها وعايز ليها اجابة.
- وكمان هيبقي فيه فرصة انك تقدم علي Internships في الشركات الموجودة هناك.
- وطبعا هيكون في Activities كتيرة ومختلفة على مدار اليوم.
*إزاي تقدم؟
جميع خدمات المركز المصري الألماني للوظائف والهجرة وإعادة الإدماج تُقدَم مجاناً، سجلوا من هنا:
*امتى و فين؟
يوم السبت 6 مايو من الساعة ۱۰ صباحاً – ل ٥ مساء
في الحرم اليوناني – GrEEk Campus – في ميدان التحرير: هنا
